قدیم طؤیله لر، ایندی...
قدیم طؤیله لر، ایندی...
سیگارئت آلماق اوچون مممد جعفرین توکانینا گئتدیم.
مممد جعفر بیر شیرین آدام ایدی، هامینی گؤزلجه تحویل
آلاردی، هامی ایله ده شوخلوغو واریدی. لاپ او ته له سن آدامی
10 دقیقه ساخلاشدیراردی. ائله من ایله ده داغدان- باغدان
دانیشیردی. بو حین ده رحمتلیک آغا عمی اوغولون اوغلو
(مهدی) ایچری گیردی. مممد جعفر اوزون دؤندریب منه ساری دئدی:
ایسکندر! بو مهدی نین دده سین تانیییاردیندا؟ بو توکان و
نئچه قونشو توکانلار رحمتلیک آتاسینین ایدی. حیاط لاری
خییاوانا دوشندن سونرا، قالانین تیکه- تیکه ائله ییب، بیزلره
ساتدی. آللاه تعالی اونا رحمت ائله سین، ایندی من و
منیم قونشولاریم بو مال- دؤولتی، بو چؤره یی اونا میننتداریق.
بیرده کی من بیر سؤز دئییم، سؤز قوتارسین گئتسین، اوز دؤندردیم
مهدی یه، دئدیم: هه مهدی! ماشاالله حیاطینیز
یئکه ایمیش! مهدی دئدی: هه ایسکندر عمی چوخ یئکه ایدی!
او دوربا، خییاوانین دوز اورتاسی قوناق اوتاغیمیز، او چیملیک
بولقونوموز ایدی. بیر- بیر سانایا سنایا گلدی یئتیشدی
مممد جعفرین توکانینا؛ بیردن جاوانلیغینا سالیب دئدی:
ایسکندر عمی بورادا ائله طؤیله میز ایدی!
مممد جعفر عمی دوران یئرده ده آغ ائششه ییمیزی باغلایاردیق!
اوشاق اولسایدیمدا گؤزل یادیمدا قالیب.
گرگرلی آراز
بو سؤزلری اوخویاندا سن ائله بیلمه