کئفلی ایسکندر

دئییرلر دؤولتین خزانه سی بوشلایب؛ بیز نئیله یک!

یدالله : اون مین وئر گرروم!!

حمزه: کسیب یئین وئرسین!!

بیزیم شهرده ، چوخ  قوربانلیقلاری، محررلم لیقدا، عاشورا گونو،  ناهارا یاخین کسرلر.بو ایلده  گئچه ن ایللره تای ، قصابلار، هامیسی، پیچاق اللرینده، قوربانلیقلاردا ایکی قیچلارینین آراسیندا، گؤزله ییردیلر، دسته لر یادا  خئیمه چیلر گلنده، قاباقلاریندا  کسسینلر. بیر ایکی – اوچ نفرده، قوربان صاحابی  قصابلارین یانیندا ، دایانمیشدیلار .حمزه گیلده دورموشدولار . آخی هر ایل اونلاریندا بیر قوربانلیقلاری اولار. دسته ایله – خئیمه چیلر گلدی . قوربانلیقلار کسیلدی . هره اؤز قوربانلیقین ، تمیزله مه یه-  سویوب – دووراماغا،  ائوله رینه آپاردیلار. حمزه گیلین  قوربانلیقین،  یدالله کسیب سویوردو. چونکو حمزه گیلین  ائوله رینده یئر یوخودو،  محلله لرینده یئره قویوب،  سویماغا باشلادیلار. یداللاهین  حمزه یله ، آراسی سازیدی. یعنی بو کی حمزه بیر آز ساده اولماغدا، سؤزلری دانیشیق – رفتارلاری همیشه خوشا گلیم ، ایسته مه لی اولاردی. اودورکی هامینین – هامیدان بتر یداللاهین  آراسی، حمزه ایله سازیدی. بو هئینیده  یداللاه اوز توتدو حمزه یه، دئدی: حمزه؟ حمزه  قوربانلیقا باخا باخا، دئدی:  نه دیر؟  یداللاه دئدی: حمزه من بو قوربانلیقی کسماغدا،  سندن اون مین آلاجاغام. حمزه شستیله دئدی:  وئردیم! هئی- هئی بو سؤز  بو ایکی سینین آراسیندا تیکرار اولوردو. آرادادا قوربان سویولدو، دووراندی ، پای – پای بؤلوندو. اما بو وضعی ده بیر نفر یداللاهین  دوسلاریندان ، یداللاهین قولاغینا بیر سؤز دئدی. یداللاهدا  تئز  گؤزوم اوسته  دئییب،  الین آتدی  قوربانلیغین خایا لارینا - داششاقلارینا ، اونلاری، کسیب،  وئردی دوستونا. ایش قورتولدو، قوربانلیقلار یغیشلانیب،  یداللاه  درینی یغیشدیریب،  گؤتوروب گئدنده، بیرده اوز توتوب حمزه یه، دئدی:  اون مینی وئر گؤروم! حمزه  شستیله  دئدی: من وئرمه یه جه یم کی! یداللاه  دئدی: بس کیم وئره جک؟  حمزه دئدی:  داششاغی کسیب آپاریب، اونو شیشه تاخیب  یئیه ن!!

گرگرلی آراز