کئفلی ایسکندر

چوخ مسئوللارین بیر یوخ!ایکی یوخ! اوچ یوخ!.... آلتی- یئددی ایشی وار!! دانیشدیراندادا ائله ناله ائله ییر، آدامین نیسگیلی گلیر!

عابباس عمی نین سو نؤبه سییدی. آراز قیراغیندا باغ سووارماق ، اودا آغاشلیق، چوخ راحاتدی. اوتورموشدو، اؤزونه سیگارئت چکیردی. چایداندا اؤزونه، اوجاقدا اوخویوردو.  باغین باش طرفیندن، بیر سورو داوار، بیر اینک بیزوویله، بیرده بیر ائششک، قونشو کندیدن گلیردی .دالیسیجان بیر خانیم گؤرسه نیردی،  یاخینلاشاندا، گؤردو، گول نیسه عمی قیزیسیدی. سلام علیک ائله یه – ائله یه  ائله عابباس عمی قویون – قوزولاری بیرده ائششک ایله – اینه یی باغا طرف قایتارمیشدی. گول نیسه اوجاق باشیندا عابباس عمی نی گؤزتله ییردی. خیلاصه چای ایچیلیب قورتاراندان سونرا، عابباس عمی سوروشدو : نئجه اولدو، اؤلدو!؟ او کی ساغ – سالاماتیدی. تزه بیر ایرمی گون اولماز، گئتمیسن. گول نیسه جواب وئردی : هاردا! عابباس عمی اوغلو ائله بو ایرمی گونده بیلنمه دیم نه اولدو، علی حوسین اوزولدو، گئتدی. عابباس عمی چوخ سؤزلر خبر آلدی، سونرا متوجه اولدو، بو آلتی قویون – قوزو ، او اینک – بیزوو، بیر ائششک، بیرده یئدی یوز اللی مین تومن پول، کبینیدی کی علی حوسینین ائولادلاری گول نیسه یه باغیشلامیشدیلار. آما گول نیسه هله آه – ناله ائله ییردی. عابباس عمی گوله – گوله خبر آلدی :عمی قیزی ،هئچ بیر قونوشدوز؟ گول نیسه اوندا بیر گولومسولندی، دئدی:عابباس عمی اوغلویا باخ اِئ! هئچ بو ایرمی گونده قوناقلار مجال وئردیلرکی او ایرمی گونونده یاریسین ائله یورقان – دؤشکده اولدو. اوندا عابباس عمی قایدیب گول نیسه یه دئدی:عمی قیزی اوندا نه اوچون ، گیلئیلیسن ؟ بو ایرمی گونده سنه آلتی قویون – قوزو، اینک ایله بیزوو، بیر ائششک، یئددی یوز اللی مین تومن پول یئتیشیب ،هله ناراحات سان؟ سن او اینه یین بالاسین منه وئر، منی نئله ییرسن ائله!

گرگرلی آراز