رئییسلرین پنچری(ییرتیغی) اولماسا سیزه نووبه یئتیشر!

 

اینقلابین ایک ایللریدی. گؤمروک، تاجرلرین جینسیله، لاپ انگینه جان،  باسا- باسیدی. کانتینرلراوچ - دؤرد مرتبه وورولوب، گؤیه گئتمیشدی.  حتتا  داغلارین اته یی صافلانیب،  جینس تؤکولموشدو. بیر طرفدن جرثقیللر قووزاییب، بیر طرفدن  تیرئیلیلر- جنگی  کامیونلار دولدوروب، مقصده چاتدیریردیلار. بو اورتادا ایشچیلر ایکی – اوچ شیفت گئجه – گوندوز ایشله ییردیلر. یئمک خانالار – یاتاقخانالار- سئرویس ماشینلاریین  گئجه گوندوزلری یوخودو.

بو زامانلار  سعدیم وئردی  گؤمروکده  تعمیرگاهدا ایشله ییردی.  بونوندا ایشی  تکرله رین پنچرلرین توتماغیدی.او گون  اؤزلرینه بیر – ایکی  چؤره ک آلمیشدیلار.  صبحانه یئییردیلرکی  گؤردولر،  رئییسین  دفتریندن بیر ایکی نفر تنگی نفس  اللرینده ایکی تکر یئتیردیلر. چوخ اوجا سسله  هی تیکرار ائله ییردیلر ، بو تکرلر رئییسین ماشینین تکرلریدی،  تئز اولون یرتیغین – پنچرین توتون. تئز سعدیم وئردی گیل، دوسلاریله برابر دوروب ایشه باشلادیلار .

بو هئینیده  ایکی  یونگول جرثقیل،  تعمیرگاهین  قاپیسینا دایاندی. سوروجولری یئنیب،  دئدیلر:  بونلارین تکرلرینین  پنچرین توتون  تاکی بیز ایشه قاییداق ، ایش برک لنگ اولوب. سعدیم وئردی تکر بئلی  قووزاییب اوجا سسله  دوران جماعته دئدی :او زاماناجان  کی رئییسین یرتیقلارین توتماساق سیزه نوبه یوخدو!  

 

گرگرلی آراز