گؤره سن بو سسلری کیمین حئسابینا یازاق؟
گؤره سن بو سسلری کیمین حئسابینا یازاق؟
آللاه تعالی ایکیسینه ده رحمت ائله سین، نغی عمی
ایله کور قوربان دمیر یولونون قیراغی ایله دوچرخه
ایله گئدیردیلر؛ قوربان قاباقدا اوتوروب، نغی سوروردو.
دمیر یولچوسو دمیرلره وورا- وورا گلیردی، قوربان
نغی دن سوروشور، کیمدی گلیر؟ نغی دئدی: ائله بیل
شئیخ دی! قوربان فرمان وئردی، دوز سور اوستونه!
نغی دوز سوردو شئیخین اوستونه! اوچوده بیر- بیرنه
دییب، دیویرلانیب، بیر چورخور یئرده بیر- بیرینین
اوستونه دوشدولر! شئیخ هامی دان قاباق چوخورا
دوشموشدو، قوربان او آندا کی شئیخین اوستونه
دوشوردو،اؤزوندن برکدن بیر سس چیخارتدی!
نغی عمی او ایکیسینین اوستونه دوشنده یئنه ده
قوربان او ایشی تیکرار ائله دی! بو سفر نغی
اوز دؤنده ریب شئیخه دئدی: شئیخ! سندن اوزاقدیر!
بونلار نه ایشدی؟هئچ اوتانمیرسان؟ خجالت چکمیرسن؟
شئیخ اؤزون تاپاندان سونرا اوست- باشین سیله - سیله
دئدی: نغی، واللاه بو ایشین صاحابی سنین یولداشین
قوربانیدی! نغی تس- تس شئیخه باخدی، شئیخ آنلادی
کی او اینانماییب. یئنیدن بو سفر آند - قسم ائله مک
ایله دئدی: واللاه! گئتدیییم موقددس مشهده ، معصومه
قوما، سنین یولداشین قوربانیدی! قوربان دیله گلدی،
اولسون شیئخ، اولاردا! آدام جایز الخطا دیر! شئیخ
ناراحات حالتده دئدی: قوربان! نه جایز الخطا،
جایز الخطا ائله ییرسن؟ سن اؤزونودوندا! قوربان بیر
اللرین اوزونه چکدی، بیر گؤیه باخدی، دئدی: نغی!
چوخ شئیخین اوزون دانلاما، اولسون، ائله بیلین منیدیم،
ایشکالی یوخدور! بو سؤزدن سونرا گه ل تاماشا ائیله
شئیخین حرکاتینا! دلی اولموشدو!هردن قوربانا، هردن
نغی یه سسله نیردی، دئییردی: نه ایشکالی یوخدور
قوربان سنیدیندا! قورباندا هئی شئیخین جاوابیندا
دئییردی: اولسون منیدیم! اولسون منیدیم!
بو سگگیز ایلده چوخ سسلر بیزیم بو دؤولت آداملاریندان
چوخ اوجا فئرکانسدا، حتتا جومهور باشکانیندان گلیردی!
گؤره سن بو سسلری شئیخین حئسابینا یازمالیییق! یا
قوربان ایله نغی عمینین! من کی تشخیص وئره بیلمه دیم!
آما ائله بیل بو سفر شئیخ اؤزویدو!
گرگرلی آراز
بو سؤزلری اوخویاندا سن ائله بیلمه