دؤرد کؤینکدن بیرین،

اؤزون سئچ، اؤزون آل!

اوشاق پالتار توکانینین قاباغیندا اؤزون یئره سورتوردو،

دئییردی ؛ گرگ اونو منه آلاسیز! من اوچ - دؤرد آیدی

بوردان گئچنده اونا باخیرام، کاش او کؤینه یی بیر

کس آلماسین، حسن دائییمادا دئمیشم کی اونو بیر کسه

ساتماسین؛ اونو آتام منه آلاجاق.

بیر ته هر قولامین دده سی رحمان، اونو چکیب،

گتیردی منیم توکانیما، بیر بیسکیویت آلماق ایله

اونو یولا سالسین، بو آندا قولام گئچیب، حسن آغایا

دئییر: آتام دئییر او کؤینه یی وئرسین؛ اودا

هر زاددان خبرسیز، قولامی یولا سالیر، قولام

کؤینه یی گؤرسه ده- گؤرسه ده منیم توکانیما گلدی،

آتاسی رحمانا دئدی:آتا من آپاردیم!

پولون حسن داییما وئررسن!

رحمان ائله باخا- باخا قالدی، سونرا رحمان ایله

چوخ، اویان- بویاندان دانیشدیق، آخیردا دئدیم:

رحمان دونیا دییشیلیب، گرک هره نین اؤز سئودییی

اولا، اؤز سئودییی اولسا، ساباح یاخشی اولماسادا،

داها بیر سؤز دئمز، اعتراض یئری اولماز!

واللاه! یئنه سن یاخشیسان، اوشاغی توکانا گتیریرسن،

منیم آنام دؤرد کؤینک، یادا شالوار آلیب، ائوه گتیرردی،

دئیردی، هاسینی به یه نیرسیز، به یه نین، بیزده

قورخودان بیرین گؤتوروب، اَینیمیزه تاخاردیق!

هله ائله اولاردی، بیر- ایکی ایلدن سونرا اَینیمیزه

دوز گلمزدی! ایندی آما، من جاوانا دئییرم، گئت اؤزون

سئچ، به یه ن! آما بونودا اؤیرتمیشم، نه جور پالتار،

هانسی رنگده، فصلینه گؤره، حتتا مندنده یاخشسین

سئچیب، آلا بیلیر. رحمان پارتلادی، سن دئیرسن

یانی اوشاقلاری اؤز باشینا اؤتوره ک؟ بیر یوللوق

دئکی اونلار آتادیرلار، بیزلر اوشاق! سن سحردن بونو

دئییرسن دا؟ سن دئییرسن یانی ،...! تئز الیمی قویدوم

آغزینا! قویمادیم سؤزون قوتارسین! دئدیم رحمان! من

هئچ، او بیسکیوئتین، نوشابه نینده پولون ایسته میرم!

خاطاوی منیم باشیمدان سوو! جانیم بیر دست جوراب،

یادا بیر کؤینک آلماغین نه دخلی وار اونا؟ بیزی

خاطایا قویارسان! خاطایا قویمامیشدان خوش گلدین!

گرگرلی آراز