حامباللیق

بو ماجرانی حتمی چوخوز ائشیتمیسیز چایخانادا -

بیر مجلیسده -یادا بیر موسافیرتده یاداکی بیرساواش-

دؤیوشده بیر نفرین آغزیندان قولاق آسمیسیز. منده

بونو گئچن آی آمیر حوسئنین آغزیندان ائشیتمیشم .

او بئله دی:

قدیم زامان بیر نفر خارجی اؤلکه لردن تبریزه گلیر

تاکی بولسون بو بؤیوک پهلوان شخصییت لرنئجه

آداملاردیلار؟ یاشاییشلاری نئجه دی؟ نه یئییب ایچیب

و دولانیشیقلاری هارداندی؟ فایتوندان کی تبریزده

یئره قدم قویور بیر حامبال قاباغا قاچیر بلکه ایش

اولسا، بیلسین. او شخص بو حامبالا آچیر قضییه نی

دئییر: پهلوانلاری گؤرمه یه گلمیشم؛ ایه ر مومکون

اولسا بیر - ایکی سین منه گؤرسه دین .

حامبال سمری یئره آتیر و سینه سین قاباغا وئریب،

الین بیر بیغلارینا چکیر دئییر: واللاه ائله سیزه دوز

آدرئس وئریبلر! بیری ائله له له شیندی؛ اوبیرسی ده

بیر آز اوزاقدا، «خییاوانین او بیر سی طرفینه باخیر

گؤزلری حامبال قارداشین آخداریر» گؤره ندن سونرا

دئییر: او بیرسی ده ائله منیم قارداشیمدی!

اما نئجه بیر ساحه یه بو حکایتی یوزماق اولار، چوخ

راحاتدی هر زامانین اؤز پهلوانی و اؤز حامبالی وار!

ایسته ییرسیز پهلوان آختاراسیز؛ چوخ واخت آپارمیر.

ایندی ایشلر بؤلونوب! هر ساحه نین اؤز پهلوانی

یارانیب؛ داها حامبال لازیم دئییل؛ اؤرنک اوچون:

سیزین تاریخ یازان جنابلارینی نظرده توتساق،

محلله لرینده گئدیب ستارخانا یا اونون ائوینه چاتاناجان

تاریخ یازانین، باباسین-نه نه سین-داییسین-عممه سین-

بی بی قیزسین حتتا محلله لرین بققالیدا گره ک آد

آپاریلیب، دئیلسین!ستارخانا یادا اوبیرسی قهرمانلارا-

پهلوانلارا یئر اولور اولسون اولمور اولماسین!

یادا ادبییات ساحسینده دوکتور-مهندیس-معللیم جنابلاری

چوخ گؤزل میثالدی ائله اؤزو بیر نوع پهلوانلیقدی اوچ

آیدا دوردو اون ایکی جیلد کیتاب چاپ ائله مک نه قدر

حامباللیق ایسته ییر! ای وای باغیشلایین نه قدر

پهلوانلیق ایسته یر!

ایسته ییرسیزپهلوان آختاراسیز بوزاماندا چوخ راحاتدی...!!

گرگرلی آراز